迷情世界、真心的歌
曾經千山萬水-只為等你作伴


這麼多年來,江蕙的歌一首接著一首
陪著許多人哭過、醉過、日日夜夜....
每雙聽歌的耳朵都習慣了等待
等她再一次唱出講不出嘴的心聲
擱感動

伊講謝謝寫歌的人,讓她唱盡了淚和笑
不過,誰都明白伊的歌會呼吸
擁抱了每份需要安慰的靈魂得以舒解
人說
迷情世界無處不飛花,只有伊的歌真心誠意

但是這麼多年,一路走來堅強的身影
江蕙心底其實有著一份最平凡的夢想
伊講:『誰的人生不是在找尋一份疼惜的愛?』
等待上演一場最美的共舞直到永遠
於是她唱「等待舞伴」
用這首歌來詮釋每個人心中,這是最難解的謎題
卻又是最簡單的渴望

樂聲再度想起
美麗的身影尋夢天涯,只願有人來作伴
『我心情你知影、我一生等待舞伴,也無心晟擱忍耐著孤單』
是江蕙的心聲,同樣也是你的

 

 

最新抒情金曲12首

  01.秋雨彼一眠
02.風中緣
03.越頭看情路
04.情海網中人
05.記治的所在
06.黃昏孤燈

07.等待舞伴
08.痴情的等待
09.戀愛的人攏同款
10.今夜好眠夢
11.七點五分
12.秋雨彼一眠(獨唱)

 
專輯歌詞
秋雨彼一暝
作詞:熊天益 作曲:熊天益 
編曲:櫻井弘二 合唱:江蕙/伍思凱
一暝雨惦惦地落 月濛濛暗淡的路
雨水的光影閃閃爍爍 伴阮的稀微
車行過這難忘的城市 是秋雨的彼一暝
我該當按怎講起 又該當表達什麼
是彼聲該講的對不起 我袂記講出嘴
請原諒我惦惦的離開 惦秋雨的彼一暝
啊 冷冷的月 我請你看覓
看今夜我袂凍按耐的目屎
來捶捶捶我的心肝 乎你看我的心疼
一暝的秋雨聲 無奈無奈 伴奏這寂寞的歌
來捶捶捶我的心肝 乎你看我的心疼
一暝的火車聲 保重保重 再會啦我的愛
等待舞伴
作詞:林秋離 作曲:熊美玲
有你做伴 親像船靠岸 
你若瞭解我 風吹也袂寒
獨身江湖行 將舞臺做客廳
嘸驚乎人看 講著愛會心疼
天頂的星 金金地看 
將艱苦的這條路留乎我行
我心情你知影 我一生等待舞伴
也無心晟擱忍耐著孤單
愛是一款命 肖想嘛無卡詛
情是一句話 會害人痴迷
人付出這多 連天嘛嘸講話
你有愛我無 對我也免歹勢


風中緣
作詞:陳黎鐘 作曲:戴維雄
站惦茫茫的人海 冷冷暖暖婆娑世界
咁講阮嘸知 一切攏是空 何必勉強你的愛
愛著你是一個痛苦的夢 
夢中不時著驚 心情無人知影
風中緣 只是美麗的雲煙 
花開的時陣親像看見阮青春 行過面頭前
風中緣 袂堪著秋風來吹 
花謝的暗暝親像塊甲阮提醒 還擱有幾個春天
痴情的等待
作詞:鄭莉倩 作曲:王中正
冷冷的感情路 行道叨位才會有結果
怎樣阮會找攏無 一個有情人偎靠
無人陪伴的寂寞 為何又擱惦在阮心中
咁講著愛一錯再錯 才會知影誰人好
想欲將你的一切放乎袂記
想欲找一個尚遠的所在
將阮受傷的心放乎伊飛
咱兩個恩恩愛愛的話嘸知 講過幾擺
到如今瞭解以後你乎阮的 只有傷害
咱兩個分分合合的目屎著愛 流過幾擺
你才會知孤單的人這款的無奈
痴情的等待


越頭看情路
作詞:羅文聰 作曲:戴維雄
一陣陣落葉的聲 提醒風的寒
是誰人的腳步聲 擾亂阮的生活
這款的遺憾青春驚人問
親像孤帆流浪海中央
越頭看情路 一半風一半雨
留戀過去 夜夜寂寞暝
越頭看情路 三分甜七分苦
愛了愈深 人就愈糊塗
為什麼幸福漸漸離開阮身邊
才反悔將伊當作是天
原來情愛總使人無奈
是傷心的所在
戀愛的人攏同款
作詞:陳黎鐘 作曲:戴維雄
春風一日一日吹 每利一嶺一嶺過
看著風雨中的花蕊 你咁會瞭解
青春一暝一暝飛 憂愁一山一山多
若是目屎滴落心肝底 悲傷就嘸是假
戀愛的人攏同款 有時有伴 有時空虛
為著心所愛的人來放棄
親像墜落一個袂醒的夢
戀愛的人攏同款 有時有伴 有時孤單
捧一個甘甜的希望來過生活
你若有瞭解 阮的心肝就溫


情海網中人
作詞:林秋離 作曲:熊美玲
有人愛做夢 有人醉茫茫
有人悽悽慘慘愛呷嘸願放
二人送做堆 逗陣一世人
咁是最後的願望
春花早晚萎 辜負痴情漢
怎樣愛情那會這迷人 啊
奈何命鬆鬆 風吹心弄弄
一生欲交待什麼人
有人愛花香 有人看錢重
有人失戀跌落悲傷的黑巷
雖然看的開 猶原會怨嘆
身邊心內無同人
多情會吃虧 勸人甭做夢
阮也同情情海網中人 啊
奈何命這鬆 風吹心弄弄
一生欲交待什麼人
今夜好眠夢
作詞:陳黎鐘 作曲:陳小霞
一粒沙一個世界
快樂憂愁 攏置甲治心內
一蕊花一個美夢
看近看遠 未來攏有希望
愛情是嘸是天堂樂園
還是乎你相思淚滿墘
有緣歡喜作陣行
無緣連做夢著夢無
得到是幸福 失落嘛免悲傷
回憶在你的心內永遠就袂紡無
真心疼惜你身邊的人
今夜一定好眠夢
真心疼惜你身邊的人
今夜一定好眠夢


記治的所在
作詞:羅文聰 作曲:關艾
咁是一場夢 人已經變了款
時間停袂落來 情猶原在
愁無人愛 思念掩目眉
無想欲流浪 人已經塊抓狂
腳步停袂落來 行過這站
攀過彼站 心已經袂堪
人生多怨嘆 等待為希望
你甲我攏是算輕鬆
在心內 有一個叫做記治的所在
是咱熟悉歡喜的所在
彼有咱的情 咱的愛 咱幸福的未來
在心內 有一個叫做記治的所在
是咱傷心安慰的所在
嘸管路外遠 暝多長
相逢是咱唯一的期待
7點5分
作詞:羅文聰/郭之儀 作曲:郭之儀
溫柔情話統人愛 一日講幾落擺
阮的心事你若知 愛放惦心內
欲睏的前進 拿出你的相片
輕輕叫著你的名字
希望甲你見面明哪早起 哦..
明知對阮有意愛 煞乎你痴情等待
嘸知到底該不該 我驚惦心內
戀愛的過程 需要相當勇氣
嘸通認輸 欲來放棄
希望甲你見面共守月圓 我願意
坐7點5分尾班車 我已經來離開
嘸知東時才會擱再來相見
一句我愛你 離別的滋味 這有啥意義
所以我坐7點5分尾班車 我越頭來找你
日落黃昏的時擱再來相見 面色紅吱吱
天色抹胭脂 彼呢啊美 彼呢啊美


黃昏孤燈
作詞:羅文聰 作曲:陳麗莉
昨暝東風 又對面輕輕送
落葉亂飛 有誰人會疼痛
今夜天星 又惦惦塊閃熠
前情往事 又誰人來掛意
夢中情 緊早慢會散去
手中還 望天地會答應
意中人 也已經無音信
心愈貪 愈凝
莫非愛等到緣份過去 該何去何從
總是愛行過萬苦千辛 才知影世事無常
黃昏孤燈 嘸願風吹袂停
用情太深 是痛苦的過程
黃昏孤燈 隨在命運決定
是幸不幸 是冷暖的報應
秋雨彼一暝(獨唱版)
作詞:熊天益 作曲:熊天益
一暝雨惦惦地落 月濛濛暗淡的路
雨水的光影閃閃爍爍 伴阮的稀微
車行過這難忘的城市 是秋雨的彼一暝
我該當按怎講起 又該當表達什麼
是彼聲該講的對不起 我袂記講出嘴
請原諒我惦惦的離開 惦秋雨的彼一暝
啊 冷冷的月 我請你看覓
看今夜我袂凍按耐的目屎
是誰人惦我的心肝 會感覺我的心疼
一暝的秋雨聲 無奈無奈 伴奏這寂寞的歌
是誰人惦我的心肝 會感覺我的心疼
一暝的火車聲 保重保重 再會啦我的愛


 

好歌就是好歌,一次12首通通推薦


ALL RIGHTS OF THE PRODUCER AND OF THE WORK REPRODUCED RESERVED.

UNAUTHORIZED COPYING, HIRING, LENDING,

PUBLIC PERFORMANCE AND BROADCASTING OF THIS RECORDING PROHIBITED.


-  請 購 買 原 版 唱 片 以 支 持 您 所 喜 愛 的 歌 手 -